01.10. FREDAG: Ørsta - hareid
Er det berre å setje resultatet til 2-2?Vi hadde nesten gløymt det før Emblem si nettside nemnte det tidlegare i dag; alle dei tre siste kampane mellom Hareid og Ørsta i 4.-divisjon har enda 2-2. To gonger i fjor, og éin gong tidlegare i år. Til alt overmål tippa Hareid-sida 2-2 både før haustkampen i fjor og vårkampen i år. Emblem-sida trur det blir 2-2 denne gongen også. I så tilfelle vil det vere bra av Hareid, meiner vi. Hareid a-lag har lagt bak seg si mest trøblete veke så langt i år (den mest trøblete sidan før Elnesvåg-kampen hausten 2012). FK Sykkylven-kampen starta jo så bra. Fullt fortent 1-0-leiing til pause, deretter 2-0 like etter. Men FKS kom sterkt tilbake og vann 4-2. Og ikkje berre det. Hareid fekk tre nye karantentar; Vagn Scheide Mork, Nauris Driksna (fekk to kampar pga raudt kort) og Robin Jackson Indreflø. Då hadde Hareid får før av ei rekkje skadar i stallen. Troppen til FKS-kampen var på 14 spelarar, inkludert to keeperen. Og sju (!) av dei 13 som spelte mot FKS blir ikkje med mot Ørsta.  Simon Holstad Grimstad skal på Kvite Bussar-tur til Polen med ungdomsskulen, Thor-Ove Brekke er lengre nede i Europa ein plass, Erik Kolstø får ikkje fri frå jobb og Kristian Myklebust (som jo er frå Ørsta og eigentleg kunne tenke seg å møte gamleklubben) skal vigsle eit par lengre sør i landet. Som om ikkje det var nok har både Ola Kalvø Vattøy (som har stått over dei to siste grunna skade) og Ulrik Wingsternes hinka av trening i dag. Men vi håper i det lengste desse to kan spele. Ein som definitivt ikkje kan spele er Emil Johannes Dahlen Folkestad. Han var akkurat kampklar igjen etter fleire månader på sidelinja. Så slo han opp den same skaden og er ute for resten av sesongen.  Men: Georg Eikrem Olsen er heldigvis tilbake, det same er Alexander Nevstad - og vonleg ein for tida halvskadd Joar Møller. Eiliv-Tore Howlid er på oppdrag for det norske forsvaret (ikkje Per Mathias Høgmot sitt) denne veka og skal vere ferdig utpå fredagen ein eller annan gong. Vi håper at han rekk kampen. Og så blir det jo som seg hør og bør gjort grep for å klare å stille med mange nok spelarar. Truleg dukkar det opp eit par spelarar som ikkje har vore med på ei stund (vi får kome tilbake til kven). Og ein del juniorar og HIL2-spelarar får heilt sikkert sjansen. Dessutan kryssar vi alt vi har av fingrar for at juniorkeeper Fredrik Lonbakken rekk kampen. Han skal etter planen lande på Hovden ein time før kampstart, etter å ha vore på skuletur i Tyskland denne veka. Sidan tredjekeeper (gutekeeper) Sigve Overå Hide er på same Polen-tur som Simon Holstad Grimstad, så er det ikkje fleire å velje mellom. Når alt kjem til alt så trur og håper vi at vi klarer å skrape saman eit slagkraftig lag, sjølv om det blir nesten totalt nykomponert i høve FKS-kampen.  Troppen kjem torsdag. GIRRI GIRRI!
01.10.14 19:10

LEIGE LOKALE?

ARRANGEMENT
2014

Facebook.com/HareidIL
 
Twitter.com/HareidIL

GENERALSPONSORAR